வாழ்த்துகள் பட்டதாரிகளே!

டோக் பெருமாட்டி கல்லூரியின் 58வது பட்டமளிப்பு விழாக் கொண்டாட்டத்தில் கவனத்தில் கொள்ள வேண்டிய முக்கியமான விதிமுறைகள்:

நுழைவும் பதிவும்:

• மாணவியர் பட்டப்படிப்பு நாளுக்கான இணையவழிக் கட்டண இரசீதைக் (Online payment receipt) நுழைவுச் சீட்டு மற்றும் ஆன்லைன் பதிவுக்கான ஆதாரமாகக் கொண்டு வருமாறு கேட்டுக் கொள்ளப்படுகிறார்கள்.
• பதிவு செய்த மாணவியர் மட்டுமே பட்டமளிப்பு விழாவிற்கு அனுமதிக்கப்படுவர். பெற்றோர்கள் மற்றும் உறவினர்கள் கல்லூரி வளாகத்திற்குள் அனுமதிக்கப்பட மாட்டார்கள்.
• பட்டமளிப்பு விழாவின் அனைத்து நிகழ்வுகளும் நேரடியாக ஒளிபரப்பு செய்யப்படும். அவற்றை டோக் பெருமாட்டி கல்லூரியின் இணையதளத்தில் கண்டு மகிழலாம்.
• கல்லூரியின் முதன்மை நுழைவு வாயில் வழியாக மட்டுமே நீங்கள் உள்ளே வர அனுமதிக்கப்படுவீர்கள்.
• காலை 9.00 மணிக்கு முதன்மை வாயிற்கதவு மூடப்பட்டுவிடும்.
• மாணவியர் தங்கள் பெயரைப் பதிவு செய்வதற்காகத் துறைவாரியாக ஒதுக்கப்பட்ட இடத்தில், காலை 9.00 மணிக்குள் உங்கள் பெயரினைப் பதிவு செய்து, உங்களுக்கான சிற்றுண்டியைப் பெற்றுக்கொள்ளவும். பட்டமளிப்பு விழாவின்போது, அணிந்து கொள்ளும் உடுப்பு மற்றும் மேலங்கியைப் பெறுவதற்கான டோக்கனும் பெயர்ப்பதிவு செய்யுமிடத்திலேயே வழங்கப்படும்.
• இணையவழியில் பதிவு செய்வதற்கான வாய்ப்பு 23.08.2024 அன்று இரவு 11.59 மணியோடு நிறுத்தப்படும். கல்லூரி வளாகத்திற்குள் நேரடிப் பதிவு செய்யப்படமாட்டாது. காலதாமதமாக வருபவர்கள் தங்களது பட்டத்தை ஆகஸ்ட் 28ஆம் தேதியிலிருந்து செப்டம்பர் மாதம் 30ஆம் தேதிக்குள் துணை முதல்வர் அலுவலகத்தில் அலுவலக நேரத்தில் பெற்றுக் கொள்ளலாம்.
• பட்டமளிப்பு விழா அன்று கல்லூரி வளாகத்திற்குள் நேரடியாகப் பெயரைப் பதிவு செய்ய இயலாது.
• நீங்கள் தாமதாக வந்தால், இணையவழியில் பெயரைப் பதிவு செய்திருந்தாலும்கூட, கல்லூரிக்குள் நுழையவோ / மேடைக்குச் சென்று பட்டத்தைப் பெறவோ இயலாது.

பட்டமளிப்ப்பு அங்கி:

• கலையியல் கட்டடத்தில் (Humanities Block) பட்டமளிப்பு விழாவிற்கான உடுப்பு மற்றும் மேலங்கியைக் காலை 7.30 மணியிலிருந்து காலை 9.00 மணிக்குள் ரூ.200/- (திரும்பப் பெறக்கூடிய தொகை) செலுத்திப் பெற்றுக்கொள்ளலாம்.
• காலை 9.00 மணிக்கு மேல் பட்டமளிப்பு விழாவிற்கான ஆடைகள் வழங்கப்படமாட்டாது. பட்டமளிப்பு விழாவிற்கான ஆடையை அணியாதவர்கள் விழாவில் கலந்துகொள்ள அனுமதிக்கப்பட மாட்டார்கள்.
• பட்டமளிப்பு அங்கியைப் பெற்றுக்கொண்ட பிறகு அவரவர் துறைக்குச் செல்லலாம்.

விழா விதிமுறைகள்:

• மாணவியர் காலை 9.40 மணிக்குள் பொன்விழா அரங்கில் தங்களது இருக்கையில் அமர்ந்துவிடவேண்டும்.
• பொன்விழா அரங்கில் கைபேசி மற்றும் மின்னணுப் பொருட்கள் (iPad, Tab) எவற்றையும் பயன்படுத்தக்கூடாது. காலை 9.30 மணிக்கு முன் உங்கள் கைபேசிகளைக் கல்லூரி மினி கேண்டீன்(Mini Canteen) அருகில் அமர்ந்திருக்கும் ஒழுங்கு நடவடிக்கையை மேற்பார்வை செய்யும் பேராசிரியர்களிடம் ஒப்படைக்கும்படிக் கேட்டுக்கொள்ளப்படுகிறீர்கள்.
• விழா அரங்கினுள் கைபேசி மற்றும் பிற மின்னணுப் பொருட்களைப் பயன்படுத்துவது கண்டிப்பாகத் தடை செய்யப்பட்டுள்ளது. அரங்கினுள் கைபேசியைக் கொண்டு வர வேண்டாம் என அறிவுறுத்தப்படுகிறீர்கள். விழா நேரத்தில் அலைபேசி ஒலித்தால் அல்லது நீங்கள் அவற்றைப் பயன்படுத்துவதைக் கண்டுபிடித்தால், அவை தற்காலிகமாகப் பறிமுதல் செய்யப்படும். விழா முடிந்ததும் துணைமுதல்வர் அலுவலகத்தில் நீங்கள் அவற்றைப் பெற்றுக்கொள்ளலாம். அப்பொருட்களுக்கு அலுவலகம் பொறுப்பாக முடியாது.
• நீங்கள் உங்களது மின்னஞ்சல் முகவரியை உங்கள் துறையில் அளித்தீர்களானால் பட்டமளிப்பு விழாவில் எடுக்கப்பட்ட மிகவும் தெளிவான உங்களது புகைப்படத்தின் மென்பிரதி ஒரு மாதத்திற்குள் உங்களது துறை மூலமாக உங்களுக்கு அனுப்பி வைக்கப்படும்.

அரங்க விதிமுறைகள்:

• சிறப்பு விருந்தினர், நிர்வாக அதிகாரிகள் மற்றும் துறைத்தலைவர்கள் அரங்கத்திற்கு வருகையில் அனைவரும் எழுந்து நிற்க வேண்டும்.
• விழா நிறைவடையும் வரையிலும் மாணவியர் விழா அரங்கிலிருந்து வெளியேற அனுமதிக்கப்பட மாட்டார்கள்.
• சிறப்பு விருந்தினரும் அதிகாரிகளும் அரங்கிலிருந்து வெளியே செல்லும்வரை மாணவியர் அனைவரும் நிற்க வேண்டும்.
• விழா நடைபெறும் பொழுதும் / நிறைவடைந்த பிறகும் உங்கள் வசதிக்கேற்ப நாற்காலிகளை இடம் மாற்றி வைக்கக் கூடாது.
• அரங்கத்திற்கு வந்த பிறகு தற்படம் (செல்ஃபி)/ குழுப்படம் எடுப்பதிலோ முனைப்புக் காட்டக்கூடாது.

அங்கியை ஒப்படைத்தல்:

• பட்டம் பெற்ற பின்னர் தங்களது உடுப்பு மற்றும் மேலங்கியை வாங்கிய இடத்தில் (கலையியல் கட்டடம்) கொடுத்து விட்டு நீங்கள் செலுத்திய முன்பணம் ரூ.200/- ஐப் பெற்றுக்கொள்ளவும். ஆடைகளை மரியாதையுடன் பயன்படுத்த வேண்டும். பட்டமளிப்பு விழாவிற்கான ஆடைகளை கழற்றி எங்கும் எறியக்கூடாது.

நீங்கள் பட்டமேற்பதைக் கண்டு மகிழக் காத்திருக்கிறோம்.